პოლონეთის პრეზიდენტი ანჯეი დუდა კიევში მოულოდნელი ვიზიტით ჩავიდა.
ამის შესახებ პოლონეთის პრეზიდენტის კანცელარია Twitter-ში წერს.
ვიზიტისას დუდა მოლაპარაკებას გამართავს უკრაინის პრეზიდენტ ვოლოდიმირ ზელენსკისთან. ორი ქვეყნის ლიდერის შეხვედარზე განიხილება უკრაინის კონსტიტუციის დღის აღნიშვნის საკითხები.
პრეზიდენტები ასევე ილაპარაკებენ უკრაინაში საბრძოლო მოქმედებების ზონაში არსებულ ვითარებაზე და ზაპოროჟიეს ატომურ ელექტროსადგურზე რუსეთის თავდასხმის საფრთხეზე. დუდა და ზელენსკი ასვე განიხილავენ ვილნიუსში, ივლისში დაგეგმილი ნატო-ს სამიტისთვის მზადების საკითხს.
შეგახსენებთ, მანამდე გავრცელდა ინფორმაცია, რომ კიევში მოულოდნელი ვიზიტით ჩავიდა ლიეტუვის პრეზიდენტი გიტანას ნაუსედა.
