ნატო-ს გენერალური მდივანი იენს სტოლტენბერგი აცხადებს, რომ მოსკოვსა და მინსკს გაეგზავნა მკაფიო სიგნალი, რომ ნატო მზად არის დაიცვას თითოეული მოკავშირე და ნატო-ს ტერიტორიის ყოველი დიუმი.
ამის შესახებ სტოლტენბერგმა ჰააგაში, ნატო-ს შვიდი წევრი ქვეყნის წარმომადგენელთან ერთობლივ პრესკონფერენციაზე განაცხადა.
„თუ სამხედრო კომპანია „ვაგნერი“ თავის სერიულ მკვლელებს ბელარუსში განათავსებს, მეზობელი ქვეყნები უსაფრთხოებასთან დაკავშირებით უფრო მეტ რისკებს წააწყდებიან“, - განაცხადა სტოლტენბერგმა.
მისი თქმით, ალიანსი მზად არის დაიცვას თავისი წევრები ბელარუსისა და რუსეთისგან, მისივე თქმით, მოვლენები, რომლებიც „ვაგნერის“ აჯანყებას უკავშირდება, რუსეთის შიდა საქმეა.
ჟურნალისტების შეკითხვაზე უსაფრთხოებასთან დაკაშვირებით, რომელიც შესაძლოა წარმოიქმნას ბელარუსში პრიგოჟინისა და მისი მებძროლების ყოფნის გამო, ნატო-ს ქვეყნების ყველა წარმომადგენელმა განაცხადა, რომ ჯერ კიდევ ადრეა საბოლოო დასკვნების გამოტანა.
