უკრაინული მედიის ცნობით, კრამატორსკზე რუსი ოკუპანტების სარაკეტო დარტყმის შედეგად მსხვერპლთა რაოდენობა 8-მდე გაიზარდა, მათ შორის სამი ბავშვია, დაშავდა 56 ადამიანი.
საგანგებო სიტუაციების მართვის სამსახურის ცნობით, კაფეს შენობის ნანგრევებიდან 8 დაღუპულის ცხედარი ამოიყვანეს, მათივე ცნობით, სამი ადამიანის გადარჩენა მოხერხდა.
მაშველები ნანგრევებში ადამიანების ძებნას განაგრძობენ.
27 ივნისს, საღამოს რუსმა ოკუპანტებმა დონეცკის ოლქის ქალაქ კრამატორსკზე სარაკეტო იერიში მიიტანეს, თავდაპირველად ვრცელდებოდა ინფორმაცია 4 დაღუპულისა {მათ შორის 17 წლის გოგონას} და 42 დაშავებულის შესახებ.
