უკრაინის ეროვნული უსაფრთხოების საბჭოს მდივანი ოლექსი დანილოვი აცხადებს, რომ კერძო სამხედრო კომპანია „ვაგნერის“ ხელმძღვანელი ევგენი პრიგოჟინი დამოუკიდებელი ფიგურა არ არის და აჯანყების ავტორები კრემლში არიან. მისი თქმით, პრიგოჟინის უკან დგანან მაღალი რანგის სამხედრო პირები, რომელთა მიზანიც რუსეთის ხელისუფლების დამხობაა. ამის შესახებ მან ტელემარათონის ეთერში განაცხადა
მისვე თქმით, პრიგოჟინის აჯანყება დადგმული არ ყოფილა.
„ეს არ იყო სპექტაკლი, ეს იყო ნამდვილი საბრძოლო მოქმედება, რადგან ეს იყო სიტუაცია, როდესაც მთელმა მსოფლიომ დაინახა, რომ პუტინი არ წარმოადგენს ქვეყნის ხელისუფლებას...ყველა, როგორც ვირთხები გარბოდნენ მოსკოვიდან, გარბოდნენ სასწრაფოდ, როგორც კი დაიწყო რაღაც გაუგებარი მოვლენები, რომლებზეც მათ ზემოქმედება არ შეეძლოთ“, - განაცხადა დანილოვმა.
მისი თქმით, რუსეთისთვის ამას უდიდესი შედეგები მოჰყვება.
„უპირველესად, მინდა ვთქვა, რომ თავად პრიგოჟინი არ არის დამოუკიდებელი ფიგურა, მის უკან დგანან მაღალი რანგის სამხედრო პირები და დღეისთვის სრულიად გასაგებია, რომ ეს არ ყოფილა მისი სურვილი სადღაც წასულიყო, ემოძრავა, აშკარაა, რომ ის კონტროლის ქვეშაა. მაგრამ თუ ადრე ის ყო პუტინის კონტროლქვეშ, დღეს პუტინმა ეს კონტრილი უკვე დაკარგა, ის იმყოფება საერთო, პირობითად რომ ვთქვათ, სხვა ადამიანებთან ერთად, რომელთა მიზანს დღეს რუსეთის ფედერაციის ხელისუფლების შეცვლა წარმოადგენს“, - განაცხადა დანილოვმა.
