რუსეთის პრეზიდენტმა ვლადიმირ პუტინმა რუსეთის მოქალაქეებისადმი საგანგებო მიმართვა გაავრცელა.
მან მოქალაქეებს მადლობა გადაუხადა გამძლეობისთვის, ერთიანობისა და პატრიოტიზმისთვის.
მისი თქმით, მოვლენებმა აჩვენეს, რომ ნებისმიერი შანტაჟი და არეულობა განწირულია მარცხისთვის. მისივე თქმით, მტკიცე პოზიცია კონსტიტუციური წესრიგის მხრდაჭერისთვის გამოავლინა საზოგადოებამ, პარტიებმა, რელიგიურმა ორგანიზაციებმა, მთელმა საზოგადოებამ.
პუტინის განცახდებით, ამბოხი ნებისმიერ შეთხვევაში მაინც ჩახშობილი იქნებოდა.
„ხაზს ვუსვამ, მოვლენების დასაწყისშივე დაუყოვნებლივ იქნა მიღებული ყველაზე მნიშვნელოვანი გადაწყვეტილებები წარმოქმნილი საფრთხის გასანეიტრალებლად, კონსტიტუციური წყობის, ჩვენი მოქალაქეების სიცოცხლისა და უსაფრთხოების დასაცავად. შეიარაღებული აჯანყება ნებისმიერ შემთხვევაში მაინც ჩახშობილი იქნებოდა“, - აღნიშნა პუტინმა ვიდეომიმართაში.
მისი თქმით, აჯანყებულებს სურდათ, რომ ჯარისკაცებს ერთმანეთი დაეხოცათ, ასეთივე შედეგი სურდათ კიევშიც.
პუტინმა მადლობა გადაუხდა ყველა სამხედრო მოსამსახურეს, რომლებმაც სიმამაცე გამოავლინეს. „რუსებმა გამოავლინეს კონსოლიდაცია, ყველა გააერთიანა სამშობლოს ბედმა“, - თქვა პუტინმა.
მისი თქმით, ამბოხის ორგანიზატორებმა, უღალატეს რა ქვეყანას, უღალატეს მათაც, ვინც მათ გვერდით იყო.
პუტინმა „ვაგნერის“ მებრძოლებს შესთავაზა ხელი მოაწერონ კონტრაქტს თავდაცვის სამინისტროსთან, დაბრუნდნენ სახლში ან ბელარუსში.
პუტინის განცხადებით. „ვაგნერის“ მებრძოლთა დიდი უმეტესობა სამშობლოს პატრიოტია, ისინი გამოიყენეს.
მან ასევე აღნიშნა, რომ მისი პირდაპირი დავალებით მიღებული იქნა გადაწყვეტილებები, რათა სისხლი არ დაღვრილიყო.
„მადლობას ვუხდი „ვაგნერის“ მებრძოლებს, რომლებიც ბოლო ხაზთან გაჩერდნენ და სისხლისღვრაზე არ წავიდნენ“, - განაცხადა პუტინმა.
მან ასევე მადლობა გადაუხადა ბელარუსის პრეზიდენტს ალექსანდრ ლუკაშენკას ვითარების განმუხტვაში შეტანილი წვლილისთვის.
