დაჯგუფება „ვაგნერის“ ხელმძღვანელმა ევგენი პრიგოჟინმა წარუმატებელი ამბოხის შემდეგ პირველი საჯარო განცხადება გააკეთა. მისი მტკიცებით, მისი მიზანი რუსეთის ხელისუფლების ხელში ჩაგდება არ ყოფილა, პრიგოჟინის თქმით, მისმა მებრძოლებმა აჩვენეს, თუ რამდენად სუსტია რუსეთის რეგულარული არმია.
პრიგოჟინის განცხადება Telegram-ში გავრცელდა.
„ჩვენ მივდიოდით ჩენი პროტესტის საჩვენებლად და არა ქვეყანაში ხელისუფების დასამხობად...
მინდა ყურადღება გავამახვილო, რომ ჩვენმა სამართლიანობის მარშმა აჩვენა, რომ ქვეყნის მთელ ტერიტორიაზე უსაფრთხოებასთან დაკავშირებით უამრავი სერიოზული პრობლემა არსებობს. ჩვენ მოვახდინეთ ყველა სამხედრო ნაწილისა და აეროდრომის ბლოკირება, რომლებიც გზად შეგხვდა“, - განაცხადა პრიგოჟინმა.
პრიგოჟინის მტკიცებით, 2022 წლის 24 თებერვალს რუსეთის არმიას ისეთივე წარმატებით რომ შეეტია, როგორც „ვაგენრმა“ 23 ივნისს. ის მივიდოდა არამხოლოდ კიევამდე, არამედ უჟგოროდამდეც და ამას გააკეთებდა 24 საათში.
