„ვაგნერის“ დამფუძნებელი ევგენი პრიგოჟინი რუსეთის პრეზიდენტს, ვლადიმირ პუტინს პასუხობს და ღალატის ბრალდებებს უარყოფს. ამის შესახებ მან გავრცელებულ მორიგ აუდიომიმართვაში განაცხადა.
„სამშობლოს ღალატთან დაკავშირებით პრეზიდენტი ღრმად ცდება. ჩვენ ჩვენი სამშობლოს პატრიოტები ვართ, ვიბრძოდით, ვიბრძვით და არავინ აპირებს პრეზიდენტის, „ეფესბეს“ ან კიდევ ვინმეს მოთხოვნით ჩაბარებას, რადგან არ გვსურს, ქვეყანამ გააგრძელოს კორუფციაში, ბიუროკრატიასა და ტყუილში ცხოვრება“, – განაცხადა პრიგოჟინმა ჩანაწერში.
პუტინმა საგანგებო მიმართვისას დღეს ევგენი პრიგოჟინის ქმედებებს ღალატი უწოდა.
„ყველას, ვინც გაცნობიერებულად დაადგა ღალატის გზას, ამზადებდა შეიარაღებულ ამბოხს, იყენებს ტერორისტულ მეთოდს, დაეკისრება გარდაუვალი სასჯელი, პასუხს აგებს კანონისა და ხალხის წინაშე“, - თქვა პუტინმა.
