უკრაინის პრეზიდენტი ვოლოდიმირ ზელენსკი რუსეთის ხელისუფლების წინააღმდეგ დაჯგუფება „ვაგნერის“ ამბოხს ეხმიანება და აცხადებს, რომ ახლა რუსეთის სისუსტე აშკარაა. მისივე თქმით, პუტინი დიდხანს ნიღბავდა თავის სისუსტეს პროპაგანდით, მაგრამ ახლა ამის დამალვა უკვე შეუძლებელია.
ზელენსკი ამის შესახებ Telegram-ში წერს.
„ვინც ირჩევს ბოროტების გზას - თავის თავს ინადგურებს. გზავნის სამხდეროების კოლონებს სხვა ქვეყნების გასანადგურებლად - ვერ შეაჩერებს მათ გაქცევასა და ღალატს, როდესაც სიცოცხლე წინააღმდეგობას უწევს.
ატერორებს რაკეტებით, და როდესაც მათ ანადგურებენ - თავს იმცირებს, რომ „შაჰედები“ მისცენ.
ის აბუჩად იგდებს ადამიანებს და აგზავნის ასობით ათასს ომში - რათა საბოლოოდ თავი დაიცვას მოსკოვის ოლქში მათგან, ვინც თავად შეაიარაღა.
რუსეთი დიდხანს ნიღბავდა პროპაგანდით თავის სისუსტეს, მაგრამ ახლა იმდენად დიდი ქაოსია, რომ ვერანაირი სიცრუით მას ვერ დაფარავს. და ეს ყველაფერი ერთი ადამიანია, რომელიც ისევ და ისევ ხალხს აშინებს 1917 წლით.
რუსეთის სისუსტე აშკარაა, სრულმასშტაბიანი სისუსტე. რაც უფრო დიდხანს დატოვებს რუსეთი ჩვენს მიწაზე თავის ჯარსა და დაქირავებულებს, მით მეტი ქაოსი, ტკივილი და პრობლემება იქნება. ეს უკვე აშკარაა. უკრაინას შეუძლია დაიცვას ევროპა რუსული ბოროტებისა და ქაოსის გავრცელებისგან“, - განაცხადა ზელენსკიმ.
მან უკრაინელ ხალხს ერთიანობისკენ მოუწოდა.
