უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა რუსეთში დაჯგუფება „ვაგნერის“ ხელმძღვანელის ევგენი პროგოჟინის ამბოხის კომენტირებისას განაცხადა, რომ უკრაინის კონტრშეტევის დაწყებამ საბოლოოდ შეარყია რუსეთის ელიტები.
მისი თქმით, მოვლენები იმ სცენარით ვითარდება, რომელზეც უკრაინის ხელისუფლება გასული წლის განმავლობაში საუბრობდა.
„უკრაინის კონტრშეტევის დაწყებამ, გამოიწვია რუსეთის ელიტების საბოლოო დესტაბილიზაცია, გააღრმავა შიდა განხეთქილება, რომელიც უკრაინაში მარცხის შემდეგ გაჩნდა. დღეს, ფაქტობრივად თვალს ვადევნებთ სამოქალაქო ომის დასაწყისს.
პრიგოჟინის დაჯგუფება იკავებს სამხედრო ობიექტებს, შტაბებს და ქალაქებს, თითქმის არ ხვდება წინააღმდეგობა, განაიარაღებს შემთხვევით შემხვედრ ჯარისკაცებსა და პოლიციელებს. პუტინი პრიგოჟინს მოღალატედ და კანონგარეშედ აცხადებს და ააანონსებს შესაბამის ბრძანებებს სპეცსამსახურებისთვის, მაგარმ არაფერი ხდება - მმრთველობის კრიზისია, ძალაუფლების ფაქტორბრივად დაკარგვა.
ამასთან, „ვაგნერი“ აგრძელებს მარშს მოსკოვისკენ. უკრაინა განაგრძობს წინსვლას 1991 წლის დროინდელ საზღვრებამდე“, - ამბობს პოდოლიაკი.
