რუსეთის პრეზიდენტმა ვლადიმირ პუტინმა მოქალაქეებს, სამხედროებსა და ძალოვან უწყებებს მიმართა.
მან კერძო სამხედრო კომპნაია „ვაგნერის“ მოქმედებებს ზურგში დარტყმა და ღალატი უწოდა და ამჟამინდელი ვითარება 1917 წლის ოქტომბერის მოვლენებს შეადარა.
მან ასევე განაცახად, რომ რუსეთის შეიარაღებულმა ძალებმა მიიღეს ბრძანება გაანეიტრალონ ყველა, ვინც მოაწყო სამხედრო ამბოხი, მისი თქმით, მათ წინააღმეგ გამოყენებული იქნება მკაცრი ზომები“.
„ყველას, ვინც გაცნობიერებულად დაადგა ღალატის გზას, ამზადებდა შეიარაღებულ ამბოხს, იყენებს ტერორისტულ მეთოდს, დაეკისრება გარდაუვალი სასჯელი, პასუხს აგებს კანონისა და ხალხის წინაშე“, - თქვა პუტინმა.
მას არცერთხელ არ უხსნებია ევგენი პრიგოჟინის სახელი.
„რუსეთი დღეს აწარმოებს მძიმე ბრძოლას თავისი მომავლისთვის, იგერიებს ნეონაცისტებისა და მათი პატრონების აგრესიას. ჩვენს წინააღმდეგ მომართულია დასავლეთის ფაქტობრივად მთელი სამხედრო, ეკონომიკური, საინფორმაციო მანქანა. ჩვენ ვიბრძვით, ჩვენი ხალხის სიცოცხლისა და უსაფრთხოებისთვის, ჩვენი სუვერენიტეტისა და დამოუკიდებლობისათვის. უფლებისთვის ვიყოთ და დავრჩეთ სახელმწიფოდ ათასწლოვანი ისტორიით.
ეს ბრძოლა, როდესაც წყდება ჩვენი ხალხის ბედი, მოითხოვს ერთიან ძალას, ერთობას, კონსოლიდაციასა და პასუხისმგებლობას. როდესაც გვერდზე უნდა გადავდოთ ყველაფერი, რაც გვასუსტებს და რაც შეიძლება გამოიყენონ ჩვენმა გარე მტრებმა, რათა ძირი გამოგვითხარონ შიგნიდან.
ამიტომ მოქმედბები, რომლებიც ყოფს ჩვენს ერთიანობას, ეს არის ხალხისგან, თანამებრძოლებისგან განდგომა, რომლებიც ახლა ფრონტზე იბრძვიან ეს არის ჩვენი ხალხისთვის და ჩვენი ქვეყნისთვის ზურგში დარტყმა. სწორედ ასეთი დარტყმა მიაყენეს რუსეთს 1917 წელს, როდესაც ქვეყანა აწარმოებდა პირველ მსოფლიო ომს. თუმცა, გამარჯვება მას მოჰპარეს. ინტრიგები, დავები, პოლიტიკანობა ხალხის ზურგს უკან მობრუნდა უდიდესი კატასტროფით, არმიის დანგრევით და სახელმწიფოს დაშლით, უზარმაზარი ტერიტორიების დაკარგვით, საბოლოო ჯამში, სამოქალაქო ომის ტრაგედიით. რუსები კლავდნენ რუსებს, ძმები ძმებს. ანგარებიან სარგებელს კი, პოულობდნენ სხვადასხვა სახის ლიტიკური ავანტიურისტები და საზღვარგარეთული ძალები, რომლებიც ყოფდნენ ქვეყანას, ხევდნენ მას ნაწილებად. ჩვენ არ დავუშვებთ ამის განმეორებას. დავიცავთ ჩვენს ხალხს და ჩვენს სახელმწიფოებრიობას ნებისმიერი საფრთხეებისგან, მათ შორის შიდა ღალატისგან, ხოლო ის, რის წინაშეც ჩვენ დავდექით, სწორედ ღალატია. უსაზღვრო ამბიციებმა და პირადმა ინტერესებმა შედეგად გამოიღო ქვეყნისა და ხალხის ღალატი, ასევე იმ საქმის ღალატი, რომლისთვისაც გვერდიგვერდ ჩვენს სხვა სამხედრო დანაყოფებთან იბრძოდნენ და იღუპებოდნენ „ვაგნერის“ ჯგუფის მებრძოლები და მეთაურები“, – განაცხადა ვლადიმირ პუტინმა.
მისი თქმით, ყველა, ვინც უღალატა რუსეთს და ხელი ასწია თანამებრძოლებზე, უმკაცრესად აგებს პასუხს.
„ყველას, ვინც ამზადებდა შეიარაღებულ ამბოხს, ვინც იარაღი ასწია თანამებრძოლებზე, ვინც უღალატა რუსეთს, პასუხს აგებს. მათ, კი ვის ჩათრევასაც ცდილობენ ამ დანაშაულში, მოვუწოდებ არ ჩაიდინონ საბედისწერო და ტრაგიკული, გამოუსწორებელი შეცდომა, გააკეთონ ერთადერთი სწორი არჩევანი - შეწყვიტონ მონაწილეობა დანაშაულებრივ ქმედებებში. მჯერა, დავიცავთ და შევინარჩუნებთ იმას, რაც ჩვენთვის ძვირფასი და წმინდაა და ჩვენს სამშობლოსთან ერთად გადავლახავთ ნებისმიერ განსაცდელს და გავხდებით უფრო ძლერები“, - განაცხადა პუტინმა.
