აშშ-ის სანაპირო დაცვის ცნობით, საძიებო ზონაში „ტიტანიკის“ მახლობლად ნამსხვრევების ადგილი იპოვეს. ინფორმაციას BBC ავრცელებს. დამატებით დეტალები უცნობია.
ინფორმაციის თანახმად, ამ დროისთვის ექსპერტები აფასებენ მიღებულ ცნობებს.
ხომალდზე სავარაუდოდ ხუთი ადამიანი იმყოფება.
მანამდე სანაპირო დაცვა აცხადებდა, რომ გაუჩინარებულ ხომალდზე მყოფ პირებს ჟანგბადის მარაგი სავარაუდოდ ამოწურული აქვთ.
მედიის ცნობით, ბორტზე იმყოფებოდნენ ბრიტანელი მილიარდერი ჰამიშ ჰარდინგი, წარმოშობით პაკისტანელი ბიზნესმენი შაჰზადა დავუდი 19 წლის ვაჟთან ერთად, რომლებიც ბრიტანეთის მოქალაქეები არიან. ბორტზე ასევე იმყოფებოდნენ ფრანგი მკვლევარი პოლ-ჰენრი ნარგეოლე, ასევე OceanGate Expeditions-ის დამფუძნებელი და აღმასრულებელი დირექტორი სტოკტონ რაში.
ტურისტული ექსპედიციის ღირებულება თითო ადამიანზე 250 000 დოლარია.
