სამეზობლო პოლიტიკისა და გაფართოების საკითხებში ევროკომისრის, ოლივერ ვარჰეის განცხადებით, მედიათავისუფლების კუთხით საქართველოს პროგრესი არ აქვს.
ამის შესახებ ევროკიმისარმა ისაუბრა სტოკჰოლმში არაფორმალური შეხვედრის შემდეგ, რომელზეც საქართველოს, მოლდოვისა და უკრაინის მიერ რეკომენდაციების შესრულების ანგარიში მოისმინეს.
"რაც შეეხება მედია პლურალიზმსა და მედიის მფლობელების წინააღმდეგ აღძრულ სისხლის სამართლის პროცედურების უმაღლეს საკანონმდებლო სტანდარტებს, საქართველოს არ მიუღწევია არანაირი პროგრესისთვის. იმისათვის, რომ შეასრულოს ეს პირობა, საქართველოს სჭირდება, მაუწყებლობასთან დაკავშირებით მიიღოს კანონი, რომელიც შესაბამისობაში იქნება ევროკავშირის სამართლებრივ მოსაზრებებთან. ასევე, უნდა გაიზარდოს ჟურნალისტებისა და მედიამფლობელების დაცულობა", - განაცხადა ვარჰეიმ.
