უკაინის პრეზიდენტმა ვოლოდიმირ ზელენსკიმ განაცხადა, რომ უკრაინა არასდროს დათანხმდება კონფლიქტის გაყინვას და რუსეთთან არ დაჯდება მოლაპარაკების მაგიდასთან, ვიდრე მისი ჯარი უკრაინის ტერიტორიაზეა.
ამის შესახებ მან ВВС-თან ინტერვიუში განაცხადა.
„რუსეთთან არასდროს დავსხდებით მოლაპარაკების მაგიდასთან, ვინც არ უნდა იყოს იქ პრეზიდენტი, თუ ისინი ჩვენს ტერიტორიაზე იქნებიან“, - განაცხადა ზელენსკიმ.
ზელენსკიმ აღნიშნა, რომ საუბარია ყველა ტერიტორიაზე, რომლის ოკუპაციაც რუსეთმა 2014 წლის შემდეგ მოახდინა, მათ შორის ყირიმზე.
ზელენსკის თქმით, მოლაპარაკების პროცესი, რომელიც უკრაინის ტერიტორიიდან რუსული ჯარის გაყვანამდე დაიწყება, კონფლიქტს გაყინულ მდგომარეობაში გადაიყვანს და ახალ, დიდი ომის შესაძლებლობას შექმნის.
„კონრეშეტევის შედეგად, როგორც არ უნდა დავწინაურდეთ, არ დავთანხმდებით გაყინულ კონფლიქტს... და მე ვიცი რითიც სუნთქავს ხალხი. უკრაინელები მეორედ აღარ იქნებიან თანახმა გაყინულ კონფლიქტზე. ეს ხაფანგია“, - განაცხადა პრეზიდენტმა.
მან ასევე გამოთქვა რწმენა, რომ რუსეთში უკვე არსებობენ ადამიანები, რომლებსაც ესმით, რომ ომის დაწყება მათი სისხლიანი შეცდომა იყო. „მათ ესმით, რომ ისინი საბოლოო ჯამში წააგებენ ამ ომს. ამიტომ გასვლა {უკრანიდან} ნაკლები მსხვერპლია. ვიდრე ისინი არ გავლენ, არ იქნება მათთან არანაირი მოლაპარაკების ფორმატი“, - განაცხადა ზელენსკიმ.
