ევროკავშირის ქვეყნების ელჩები რუსეთის წინააღმდეგ სანქციების მე-11 პაკეტზე შეთანხმდნენ.
სანქციების ახალი პაკეტი მოიცავს ზომების მიღებას მანამდე დაწესებული შეზღუდვების გვერდის ავლაზე, ასევე, სანქციებს ახალი პირებისა და ორგანიზაციების წინააღმდეგ.
სანქციები შეეხო 70 ფიზიკურ და 30 იურიდიულ პირს.
ამასთან, სანქციების ახალი პაკეტი მოიცავს ნავთობის ტრანსპორტირების აკრძალვას „დრუჟბას“ ნავთობსადენის სამხრეთის მიმართულებით.
„დღეს ევროკავშირის ელჩები რუსეთის წინააღმდეგ სანქციების მე-11 პაკეტზე შეთანხმდნენ. პაკეტი მოიცავს ზომებს, რომლებიც მიზნად ისახავს სანქციების გვერდის ავლასა და ინდივიდუალურ ჩამონათვალს“, – წერია ევროკავშირის საბჭოს თავმჯდომარე ქვეყნის, შვედეთის „ტვიტერის“ გვერდზე.
