უკრაინის პრეზიდენტმა ვოლოდიმირ ზელენსკიმ BBC-თან ინტერვიუში ისაუბრა კონტრშეტევის შესახებ, რომელსაც უკრაინის შეიარაღებული ძალები ივნისის დასაწყისიდან ახორციელებენ.
„ზოგიერთი ადამიანი მას უყურებს, როგორც ჰოლივუდის ფილმს და შედეგებს ახლავე ითხოვს. ეს ასე არ არის - აქ ადამიანების სიცოცხლეა საფრთხეში“, - განაცხადა ზელენსკიმ.
მისი თქმით კონტრშეტევას დადებითად აფასებს.
„კონტრშეტევას დადებითად ვაფასებთ, ყველაფერი მარტივად არ არის, რადგან არსებობს ესა თუ ის სირთულეები... უპირველესად მთელი ჩვენი მიწა დანაღმულია, იმ ადგილებშიც კი, რომლის დეოკუპაციაც მოვახდინეთ - 200 ათასი, თითქმის 200 ათასი კვადრატული კილომეტრი ჩვენი მიწებისა, დანაღმულია. ამიტომაც კონტრშეტევითი მოქმედებები რთულად მიმდინარეობს“, - აღნიშნა ზელენსკიმ.
ამავდროულად, ის დარწმუნებულია კონტრშეტევის წარმატებაში.
„ნებისმიერ შემთხვევაში, დარწმუნებულები ვართ კონტრშეტევითი მოქმედებების წარმატებაში“, - დასძინა უკრაინის პრეზიდენტმა.
ამასთან, ზელენსკიმ მიანიშნა პოლიტიკურ ზეწოლაზე, რომელიც უკავშირდება უკრაინის კონტრშეტევას, რომელსაც დიდი ხნის განმავლობაში ელოდნენ.
„რაც არ უნდა სურდეთ, მათ შორის ჩვენზე ზეწოლის მცდელობები, პატივისცემის მიუხედავად, ჩვენ ბრძოლის ვლზე ვიმოქმედებთ ისე, როგორც საჭიროდ მივიჩნევთ“, - განაცხადა ზელენსკიმ, თუმცა არ დაუკონკრეტებია ვინ ცდილობს კიევზე ზეწოლას.
