ჩინეთის საგარეო საქმეთა სამინისტროს პრესსპიკერმა მაო ნინმა განაცხადა, რომ აშშ-ის პრეზიდენტმა ჯო ბაიდენმა მოახდინა „საჯარო პოლიტიკური პროვოკაცია“, როდესაც თავის ჩინელ კოლეგას სი ძინპინს დიქტატორი უწოდა. იუწყება სააგენტო Bloomberg
პეკინში გამართულ ბრიფინგზე პრესპიკერმა ამერიკის ლდერის კომენტარს უპასუხისმგებლო უწოდა.
„ეს ეწინააღმდეგება ფუნდამენტურ ფაქტებსა და დიპლომატიურ პროტოკოლს, სერიოზულად არღვევს ჩინეთის პოლიტიკურ ღირსებას და წარმოადგენს საჯარო პოლიტიკურ პროვოკაციას“, - განაცხადა მაო ნინმა.
შეგახსნებთ, აშშ-ს პრეზიდენტმა, ჯო ბაიდენმა ჩინეთის ლიდერს, სი ძინპინს დიქტატორი უწოდა.
მისი თქმით, სი ძინპინი ძალიან უკმაყოფილო იყო სადაზვერვო საჰაერო ბურთის გარშემო განვითარებული სკანდალის გამო.
„მიზეზი, რის გამოც სი ძინპინი ძალიან გაბრაზდა, როდესაც მე ჩამოვაგდე საჯაშუშო მოწყობილობებით აღჭურვილი საჰაერო ბურთი, იყო ის, რომ მან არ იცოდა მისი იქ ყოფნის შესახებ. სერიოზულად ვამბობ. ეს სამარცხვინოა დიქტატორებისთვის, როდესაც არ იციან, რა მოხდა. როდესაც ის ჩამოვარდა, შერცხვენილად გრძნობდა თავს. მან საერთოდ უარყო ბურთის იქ ყოფნა“, – განაცხადა ბაიდენმა.
