დიდი ბრიტანეთი უკრაინისთვის ფინანსური დახმარების ახალ პაკეტს გამოაცხადებს.
ფინანსური დახმარება მიმართული იქნება სასიცოცხლოდ მნიშვნელოვანი სახელმწიფო მომსახურების, მათ შორის სკოლებისა და საავდამყოფოების აღდგენისკენ.
საერთო ჯამში დახმარების პაკეტი გათვალისწინებულია უკრაინის ეკონომიკური სტაბილურობის აღსადგენად. დიდი ბრიტანეთის მთავრობის პრესსამსახურში აცხადებენ, რომ „ეს არის პირველი ორმხრივი ფინანსური დახმარების მრავალწლიანი პაკეტი, რომელიც, ხაზს უსვამს დიდი ბრიტანეთის ურყევ ერთგულებას უკრაინის მიმართ, როგორც ახლა, ისე მომავალში“.
ამგვარად, უკრაინის მიმართ დიდი ბრიტანეთის არასამხედრო დახმარება უკვე აჭარბებს 4,7 მილიარდ გირვანქა სტერლინგს.
