უკრაინული დანაყოფები ტავრიის მიმართულებით წინ მიიწევენ, ბოლო 24 საათის განმავლობაშ მათ ათობით ოკუპანტი და მტრის 46 ერთეული ტექნიკა განადგურდა. ამის შესახებ ჯარების ოპერატიულ-სტრატეგიული ჯგუფის „ტავრიას“ მეთაური, ოლექსანდრ ტარნავსკი Telegram-ში წერს.

„თავდაცვის ძალები ტავრიის მიმართუელბით წინ მიიწევენ, სარკეტო ჯარებისა და არტილერიის ქვედანაყოფება 24 საათის განმავლობაში 1 487 საცეცხლე ამოცანა შეასრულეს“, - წერს ტარნავსკი.

მისი თქმით, მხოლოდ გასული დღე-ღამის განმავლობაში ოკუპანტებმა მოკლულებისა და დაჭრილების სახით, 50-ზე მეტი სამხედრო დაკარგეს.

ტარნავსკის ცნობითვე, ამის გარდა, განადგურებულია და დაზიანებულია ოკუპანტების 46 ერთეული სამხედრო ტექნიკა.

კერძოდ, 13 ტანკი, 7 ერთეული ქვეითთა საბრძოლო მანქანა, ჯავშანტრანსპორტიორი, "Supercam-ის ტიპის  უპილოტო საფრენი აპარატი, Shahed-136 ტიპის უპილოტო საფრენი აპარატი, 4 ჰაუბიცა, საზენიტო-სარაკეტო კომპლექსი „ბუკი“, ასევე მტრის საბრძოლო მასალების საცავი.