დიდი ბრიტანეთის დაზვერვის ინფორმაციით, დაჯგუფება „ვაგნერის“ ხელმძღვანელი ევგენი პრიგოჟინი ცდილობს ძირი გამოუთხაროს რუსეთის თავდაცვის სამინისტროს ავტორიტეტს, მაშინ როდესაც უწყებაში აღნიშნავენ, რომ პრიგოჟინის მოქმედებები უადგილოა უკრაინის კონტრშეტევითი ოპერაციის ფონზე.
ბრიტანეთის დაზვერვაში აცხადებენ, რომ პრიგოჟინმა 19 ივნისს განაცხადა, რომ ელოდება რეაგირებას, რუსეთის თავდაცვის სამინისტროსგან „მოხალისეთა ფორმირებებისთვის“ თავისი „კონტრაქტის“ ვერსიასთან დაკავშირებით, რომელიც მან უწყებას რამდენიმე დღის წინ გადასცა.
როგორც ბრიტანეთის დაზვერვაში აღნიშნავენ, ამის მიზეზი გახდა რუსეთის თავდაცვის სამინისტროს გადაწყვეტილება, რომ 1 ივლისამდე ყველა „მოხალისეთა ფორმირებამ“ მათთან უნდა გააფორმოს კონტრქტები.
„იმის მიუხედავად, რომ პრიგოჟინის დოკუმენტის შინაარსი არ გამოქვეყნებულა, მისი გადაცემის ფაქტი ზრდის ალბათობას, რომ ეს არის კიდევ ერთი შეგნებული მცდელობა ძირი გამოუთხაროს ოფიციალური სამხედრო ხელმძღვანელობის ავტორიტეტს. პრიგოჟინის ტონი რუსეთის თავდაცვის სამინისტროს მიმართ ერთმნიშვნელოვნად კონფრონტაციულია“, - ნათქვამია ბრიტანეთის დაზვერვის ინფორმაციაში.
უწყებაში აღნიშნავენ, რომ რუსეთის თავდაცვის სამინისტროში პრიგოჟინის ქმედბებეს „მომაბეზრებელს“ უწოდებენ რუსეთის მიერ უკრაინის კონტრშეტევის მოგერიების მცდელობის ფონზე.
