მტერი ადვილად არ ნებდება, ამიტომ მზად უნდა ვიყოთ მძიმე ბრძოლებისთვის, - ამის შესახებ უკრაინის თავდაცვის მინისტრის მოადგილემ ჰანა მალიარმა განაცხადა.
„უნდა გვესმოდეს, რომ მტერი ასე ადვილად რა დანებდება. ჩვენ მზად უნდა ვიტყოთ, რომ ეს იქნება ძალიან სასტიკი ორთაბრძოლა, რაც ახლაც მიმდინარეობს“, - განაცხადა მალიარმა.
მისი თქმით, სამხრეთით, უკრაინელი სამხედროებისთვის რთულია გადაადგილება, მტრის წინააღმდეგობისა და დანაღმული ველის გამო. ამასთან, მან აღნიშნა, რომ უკრაინის დამცველები „მოქმედებენ ისე, როგორც უნდა მოქმედებდნენ, ყველაზე დიდი შედეგები კი ჯერ კიდევ წინ არის“.
მალიარმა აღნიშნა, რომ არ უნდა გაიზომოს სამხედროების წარმატებები მხოლოდ კილომეტრებით ან გათავისუფლებული დასახლებული პუნქტებით, რადგან ოპერაციას აქვს რამდენიმე ამოცანა, რომლებიც უკვე სრულდება.
