უკრაინის თავდაცვის მინისტრის მოადგილის ჰანა მალიარის ინფორმაციით, რუსეთმა ძალები აღმოსავლეთით გადაისროლა, თუმცა უკრაინის დამცველები მათ წინსვლის საშუალებას არ აძლევენ.
ამის შესახებ მალიარი Telegram-ში წერს.
„აღმოსავლეთით ახლა რთული ვითარებაა. მტერმა ძალები გადაისროლა და აქტიურ შეტევას ახორციელებს ლიმანისა და კუპიანსკის მიმართულებებით, ცდილობს ჩვენ ინციატივა წაგვართვას. ფიქსირდება მტრის ცეცხლის მაღალი აქტივობა. გრძელდება მძიმე ბრძოლები.
ჩვენი ჯარები მამაცურად იბრძვიან მტრის ძალებისა და საშუალებების უპირატესობის პირობებში და ოკუპანტებს წისნვლის საშუალებას არ აძლევენ“, - ამბობს ჰანა მალიარი.
მისივე თქმით, მტერი თავს არ ანებებს თავის გეგმებს გავიდეს დონეცკის და ლუჰანსკის ოლქების ადმინისტრაციულ საზღვრებზე. ჯერჯერობით, ეს მტრის შეტევის ძირითადი მიმართულებაა. მისივე თქმით, მტერმა აღმოსავლეთით მოახდინა თავისი ქვედანაყოფების, კერძოდ, სადესანტო-მოიერიშე ნაწილების მნიშვნელოვანი რაოდენობის კონცენტრაცია.
როგორც უკრაინული გამოცემა „უკრაინსკა პრავდა“ წყაროებზე დაყრდნობით იუწყება, რუსების შეტევითი მოქმედებები ლიმანის მიმართულებით წარუმატებელია.
