გერმანიის კანცლერმა ოლაფ შოლცმა განაცხადა, რომ უკრაინის წინააღმდეგ რუსეთის აგრესიული ომი, შესაძლოა, კიდევ დიდხანს გაგრძელდეს. „ჩვენ მზად ვართ ამისთვის, და აქედან გამომდინარე ჩვენი პოლიტიკის კორქეტირებას ვახდენთ“,- განაცხადა შოლცმა ნატო-ს გენერალურ მდივან იენს სტოლტენბერგთან ერთობლივ პრესკონფერენციაზე. მისივე თქმით, გერმანია გააგრძელებს უკრაინის მხარდაჭერას იმდენხანს, რამდენიც საჭირო იქნება.
თავის მხრივ, ნატო-ს გენერალურმა მდივანმა განაცხადა, რომ ივლისში დაგეგმილმა ნატო-ს სამიტმა, შესაძლოა, დაახლოვოს უკრაინა ორგანაზაციაში გაწევრიანებასთან. იენს სტოლტენბერგის სიტყვებით, რაც უფრო მეტ ტერიტორიას გაათავისუფლებენ უკრანელები კონტრშეტევის დროს, მით უფრო ძლიერები იქნებიან მოლაპარაკების მაგიდასთან. მისივე თქმით, სამართლიანი მშვიდობა არ ნიშნავს კონფლიქტის გაყინვას.
