უკრაინის შეიარაღებულმა ძალებმა, ბოლო ორი კვირის განმავლობაში ბერდიანსკისა და მელიტოპოლის მიმართულებებით რვა დასახლებული პუნქტი გაათავისუფლეს. ამის შესახებ უკრაინის თავდაცვის მინისტრის მოადგილემ ჰანა მალიარმა განაცხადა.
„ორკვირიანი შეტევითი მოქმედებების დროს ბერდიანსკისა და მელიტოპოლის მიმართულებებით ქვედანაყოფმა „ტავრიამ“ გაათავისუფლა 8 დასახლებული პუნქტი: ნოვოდაროვკა, ლევადნოე, სტოროჟევოე, მაკაროვკა, ბლაგოდატნოე, ლობკოვო, ნესკუჩნოე, პიატიხატკი“, - წერს მალიარი „ინსტაგრამზე“.
როგორც მალიარმა აღნიშნა, ტავრიის მიმართულებით, საერთო ჯამში უკრაინულმა ქვედანაყოფებმა 7 კმ-ის სიღრმეში წაიწიეს.
მალიარის თქმით, ტავრიის მიმართულებით თავდაცვის ძალების აქტიური მოქმედებები გრძელდება.
„გასულ კვირას მტერმა მნიშვნელოვანი დანაკარგები განიცადა. კერძოდ, ყველა მიმართულებით მეტრის დანაკარგმა მოკლულებისა და დაჭრილების სახით 4 600 სამხედრო შეადგინა. ამის გარდა, ჩვენმა დამცველებმა ტყვედ აიყვანეს 80-ზე მეტი ჯარისკაცი“, - განაცხადა მალიარმა.
