რუსეთის პრეზიდენტის ვლადიმირ პუტინის პრესსპიკერი დმიტრი პესკოვი აცხადებს, რომ უკრაინის „დემილიტარიზაციის“ ამოცანა დიდწილად შესრულებულია.
ამის შესახებ მან RT Arabic-თან ინტერვიუში განაცხადა.
„მართლაც, უკრაინა ძალიან მილიტარიზებული იყო სპეციალური სამხედრო ოპერაციის დაწყების დროს. და გუშინ როგორც პუტინმა თქვა, ერთი-ერთი ამოცანა იყო უკრაინის დემილიტარიზაცია. ფაქტობრივად, ეს ამოცანა დიდწილად შესრულებულია. უკრაინა თავისი შეიარაღების სულ უფრო მცირე რაოდენობას და სულ უფრო მეტ დასავლურ შეიარაღებას იყენებს“, - განაცხადა პესკოვმა.
მისი თქმით, ნატო-ს ქვეყნები აშშ-ის ხელმძღვანელობით სულ უფრო მეტად ერთვებიან „კონფლიქტში“.
„ის {აშშ} სულ უფრო მეტად ერევა ამ კონფლიქტში და კონფლიქტის მხარე ხდება. რა თქმა უნდა, ეს იწვევს იმას, რომ კონფლიქტი დროში ჭიანურდება. ეს იწვევს იმას, რომ ვითარება ევროპაში უფრო დაძაბული და არაპროგნოზირებადი ხდება. და რა თქმა უნდა, ეს ავალდებულებს რუსეთს, რომ გამოიყენოს მეტად გადამწყვეტი ზომები დონბასში მოსახლეობისა და რუსეთის უსაფრთხოებისათვის“, - განაცხადა პესკოვმა.
