ყოველთვის მზად ვიყავი და დღესაც მზად ვარ, მიწვევის შემთხვევაში, უკრაინაში ჩავიდე, - ამის შესახებ საქართველოს პრეზიდენტმა „უკრაინსკა პრავდასთან“ ინტერვიუში განაცხადა.
ჟურნალისტი: დასავლეთის ბევრი ლიდერი ჩამოვიდა უკრაინაში, რათა დაედასტურებინათ სოლიდარობა. მაგრამ ომის დაწყების შემდეგ თქვენ არ ყოფილხართ უკრაინაში. რატომ?
სალომე ზურაბიშვილი: მე ყოველთვის მზად ვიყავი და ახლაც მზად ვარ. თუ თქვენ გადასცემთ შეტყობინებას, შემიძლია ხვალვე ჩამოვიდე.
ჟურნალისტი: თქვენი აზრით, რატომ არ მიგვიწვიათ ზელენსკიმ?
სალომე ზურაბიშვილი: აქ არაფერია პირადული. ვფიქრობ, რომ ეს არის ის, რაც ჩვენ აღვწერეთ, როგორც სამთავრობო წრეებს შორის მოცემულ ეტაპზე არადამაკმაყოფილებელი ურთიერთობები. ამიტომ, გარკვეული თვალსაზრისით, მე ვგრძნობ ამის შედეგებს, თუმცა მზად ვარ და დარწმუნებული ვარ, რომ ასეთი შესაძლებლობა გვექნება. ვიმედოვნებ, რომ ასეთი შემთხვევა გაჩნდება ყირიმის პლატფორმაზე.
