ეს იყო ირაკლი ღარიბაშვილის მორიგი საერთაშორისო ვიზიტი, სადაც ის ღირსეულად წარდგა, როგორც ამაყი ქვეყნის ამაყი წარმომადგენელი, - ამის შესახებ კულტურის მინისტრმა, თეა წულუკიანმა პრემიერ-მინისტრ ირაკლი ღარიბაშვილის მოლდოვაში ვიზიტის, შესახებ განაცხადა.
„ეს იყო ირაკლი ღარიბაშვილის მორიგი საერთაშორისო ვიზიტი, სადაც ის ღირსეულად წარდგა, როგორც ამაყი ქვეყნის ამაყი წარმომადგენელი. ეს არის ჩვენი დღევანდელი პოლიტიკური პოზიცია, რომ ჩვენ დამოუკიდებელი ვართ. სისხლის ფასად მოპოვებული დამოუკიდებლობა გვაქვს. სუვერენული სახელმწიფო ვართ და განუხრელად ვისწრაფით ევროკავშირში გაერთიანებისკენ. ასევე, ჩვენ თავაწეულები ვთვლით, რომ ეს სტატუსი, რომლისკენაც მივისწრაფით, ჩვენს ხალხსა და სახელმწიფოს ეკუთვნის. ძალიან მნიშვნელოვანია, რომ ჩვენი ქვეყნისთვის ამ გზაზე, პრემიერმა სიტყვიერი მხარდაჭერა მიიღო. დიდი მოთმინებით დაველოდებით იმ დღეს, როდესაც ბრიუსელში ჩვენი ქვეყნისადმი ერთადერთი და ამჯერად სამართლიანი გადაწყვეტილება იქნება მიღებული, სტატუსის მონიჭების შესახებ", - განაცხადა წულუკიანმა.
მოლდოვაში ირაკლი ღარიბაშვილმა ევროპული პოლიტიკური გაერთიანების სამიტში მიიღო მონაწილეობა.