ამ რადიკალურ ჯგუფებს საარჩევნო კამპანიის პროცესი გადატანილი აქვთ ქვეყნის ფარგლებს გარეთ - მათ არა აქვს სივრცე ჩვენს საზოგადოებასთან სალაპარაკოდ, - ამის შესახებ გადაცემაში „იმედი LIVE“ პარლამენტის იურიდიულ საკითხთა კომიტეტის თავმჯდომარე, ანრი ოხანაშვილმა განაცხადა.
„მათ არ მიესვლებათ ხალხთან და რადიკალური დღის წესრიგის განხორციელებას ცდილობენ ჩვენი ქვეყნის გარეთ - იქიდან ცდილობენ კონკრეტული თემებით სპეკულირებას. რაც შეეხება ფრენებს, 2019 წლამდე ხორციელდებოდა პირდაპირი ფრენები რუსეთში. ეს ფრენები აღადგინა სწორედ იმ ხელისუფლებამ 2010 წელს, რომელიც დღეს ცდილობს პროდასავლურობის მანტიით შეიმოსოს თავი. ეს გააკეთეს 2008 წლის ომიდან 2 წელში - მათ ცალმხრივად მოხსნეს სავიზო რეჟიმი“, - განაცხადა ოხანაშვილმა.
