გასულ ღამეს რუსეთის მხრიდან 50-ზე მეტი დრონით თავდასხმა კიდევ ერთი დადასტურებაა, რომ ირანი უკრაინის წინააღმდეგ ომში რუსეთის მთავარი მოკავშირე გახდა. ამის შესახებ უკრაინის პრეზიდენტის ოფისის ხელმძღვანელის მოადგილე მიხაილო პოდოლიაკი Twitter-ში წერს.

„ბოროტებას ყოველთვის სჭირდება მკაფიო შეფასებები. დღევანდელი ირანი წარმოადგენს ტერორისტულ რეჟიმს, რომელიც საფრთხეს უქმნის ევროპასა და ახლო აღმოსავლეთს. მისი ბირთვული ექსპერიმენტები შეიცავს რისკს მთელი მსოფლიოსთვის“, - განაცხადა მან.

„ირანი ამას აკეთებს პირდაპირი განზრახვით და თავისი ქმედებების შედეგების გაცნობიერებით. შედეგები კი აუცილებლად დადგება. სწორედ ამიტომ პრეზიდენტს შეაქვს პარტლამენტში დადგენილების პროექტი ირანის წინააღმდეგ 50 წლით სანქციების დაწესების შესახებ. ოფიციალურ თეირანს შევახსენებ ყოფიერების ძირითად კანონებს, კერძოდ, ბუმერანგის კანონს. ნუ შეგაწუხებთ გეოგრაფიული სიშორის ილუზია ან უკრაინის პრიორიტეტბის არასწორი გაგება. ერთხელაც,  გამოშვებული „შაჰედი“ აუცილებლად იპოვის გზას თავისი მწარმოებლუსკენ“, - ამბობს პოდოლიაკი.

გასულ ღამეს რუსეთმა კიევის წინააღმდეგ მასირებული შეტევა განახორციელა. უკრაინის შეიარაღებული ძალების ინფორმაციით, რუსეთის ძალებმა 54 Shahed-ის ტიპის დრონი გაუშვეს, რაც რეკორდული რაოდენობაა ომის დაწყებიდან დღემდე. უწყების მონაცემებით, უკრაინის საჰაერო თავდაცვამ 52 უპილოტო საფრენი აპარატი  ჩამოაგდო,