რუსული ჯარი ბოლოს 2007 წელს გავიდა, ეს იყო მათი პოლიტიკური გადაწყვეტილება, მათი ნება იყო გამოხატული და გაიყვანეს ჯარი. ისეთი უგუნური პოლიტიკა, გაუაზრებელი, გაუთვლელი პოლიტიკა აწარმოა წინა ხელისუფლებამ, რამდენიმე თვეში დააბრუნეს კიდევ უფრო მეტი რუსი ჯარისკაცი ჩვენს ტერიტორიაზე, - ამის შესახებ საქართველოს პრემიერ-მინისტრმა, ირაკლი ღარიბაშვილმა ქართული დიასპორის დღისადმი მიძღვნილ ფორუმზე სიტყვით გამოსვლისას განაცხადა.
როგორც მთავრობის მეთაურმა აღნიშნა, რუსული ჯარი ბოლოს საქართველოდან 2007 წელს გავიდა, ეს იყო მათი პოლიტიკური გადაწყვეტილება, რამდენიმე თვეში კი წინა ხელისუფლებამ უგუნური, გაუაზრებელი, გაუთვლელი პოლიტიკის შედეგად კიდევ უფრო მეტი რუსი ჯარისკაცი დააბრუნა ჩვენს ტერიტორიაზე.
„რაც შეეხება ჩვენს სამშვიდობო პოლიტიკას: დღეს ჩვენი ქვეყნის 20% არის ოკუპირებული და რუსული ჯარი დგას ჩვენს ორივე ძირძველ ისტორიულ ტერიტორიაზე, აფხაზეთშიც და სამაჩაბლოშიც. მინდა, კითხვა დავსვა, ვის წარმოუდგენია? როგორ წარმოუდგენია ჩვენი ქვეყნის დეოკუპაცია და გამთლიანება? რაც გააკეთა წინა ხელისუფლებამ, ძალიან კარგად ვნახეთ. რუსული ჯარი ბოლოს 2007 წელს გავიდა, ეს იყო მათი პოლიტიკური გადაწყვეტილება, მათი ნება იყო გამოხატული და გაიყვანეს ჯარი. ისეთი უგუნური პოლიტიკა, გაუაზრებელი, გაუთვლელი პოლიტიკა აწარმოა წინა ხელისუფლებამ, რამდენიმე თვეში დააბრუნეს კიდევ უფრო მეტი რუსი ჯარისკაცი ჩვენს ტერიტორიაზე. ჩააბარეს უბრძოლველად კოდორის ხეობა, საერთოდ არავის ჰქონია მანამდე პრეტენზია, დაარქვა ზემო აფხაზეთი ამ მავნებელმა კაცმა, ჩააბარეს კოდორის ხეობა, ასზე მეტი სოფელი და ათასობით ახალი დევნილი მივიღეთ ქვეყნის შიგნით. დღეს მთელი კამპანია არის დაორგანიზებული და მობილიზებული, მთელი მსოფლიო დგას, რა თქმა უნდა, და ჩვენ, მათ შორის, მათ რიგებში ვართ, უკრაინას ვუჭერთ მხარს. ძალიან მძიმე ისტორიას ვისმენთ, უკრაინის ტერიტორიები იბომბება, ნადგურდება ქალაქები, სოფლები, რაიონები, თქვენ ამის კადრები ნანახი გაქვთ, არაფერი აღარ რჩება“, – განაცხადა ირაკლი ღარიბაშვილმა.
.
