გერმანიის კანცლერი ოლაფ შოლცი დარწმუნებულია, რომ რუსეთი უკრაინასთან ომში დამარცხდება, კიევი კი გამარჯვების შემდეგ ევროკავშირის წევრი გახდება.
ამის შესახებ შოლცმა გერმანიის სოციალ-დემოკრატიული პარტიის 160 წლისთავთან დაკავშირებულ ღონისძიებაზე განაცხადა.
„ჩვენი კონტინენტის ისტორიის მწარე თავი, რომელიც შექმნა ვლადიმირ პუტინმა თავისი იმპერიალისტური უგუნურებით, დასრულდება თავისუფალი უკრაინის ევროკავშირში სრულუფლებინ წევრად გაწევრიანებით“, - განაცხადა შოლცმა.
მან აღნიშნა, რომ გერმანიის სოციალ-დემოკრატიული პარტია მკაფიოდ უნდა დადგეს უკრაინის გვერდით, რადგან სწორედ ყოფილი კანცლერის ბილი ბრანდტის პოლიტიკის წყალობით, ევროპაში მოქმედებს ძალის გამოუყენებლობის, საზღვრების დაურღვევლობის, ქვეყნების ტერიტორიული მთლიანობისა და ხალხთა თავითგამორკვევის უფლების პრინციპები.
„ჩვენ სოციალ-დემოკრატები ვართ და ღრმა რწმებით ვიცავთ ამ პრინციპებს“, - აღნიშნა შოლცმა.
