ბელარუსის პრეზიდენტმა, ალექსანდრ ლუკაშენკამ შეიწყალა ჟურნალისტი და ბლოგერი, Nexta-ს ყოფილი ხელმძღვანელი, რომან პროტასევიჩი, რომლის რეისიც 2021 წელს მინსკში იძულებით დასვეს.
პროტასევიჩმა მედიას განუცხადა, რომ შეწყალებისთვის ყველა შესაბამის დოკუმენტს ხელი უკვე მოაწერა. მან ალექსანდრ ლუკაშენკას მადლობა გადაუხადა.
რომან პროტასევიჩი ონლაინარხ Nexta-ს რედაქტორი იყო 2020 წლის არჩევნებში ლუკაშენკას გამაჯვებულად გამოცხადების გამო ქვეყანაში დაწყებული მასობრივი საპროტესტო გამოსვლების დროს.
პროტასევიჩი 2021 წლის მაისში ათენიდან ვილნიუსში მიფრინავდა, როდესაც ბელარუსის ხელისუფლებამ მისი რეისი მინსკში იძულებით დასვა. პროტასევიჩი და მისი მეგობარი ქალი, რუსეთის მოქალაქე სოფია საპეგა აეროპორტში დააკავეს.
მინსკის საოლქო სასამართლომ 28 წლის პროტასევიჩს 8 წლით თავისუფლების აღკვეთა მიუსაჯა. ის სასამართლომ დამნაშავედ ცნო ხელისუფლების ხელში ჩაგდებისკენ მოწოდებებში, ტერორიზმში, პრეზიდენტის შეურაცხყოფაში, ბელარუსის შესახებ ცრუ ინფორმაციების გავრცელებასა და სხვა დანასაულებში.
ჟურნალისტის დაკავებას საერთაშორისო საზოგადოების მხრიდან მწვავე რეაქცია მოჰყვა. დასავლეთის ქვეყნებმა ბელარუსი „რაინეარის“ თვითმფრინავის გატაცებაში დაადანაშაულეს. ევროკავშირმა ბელარუსს სანქციები დაუწესა.
