თბილისში, რუსთაველის გამზირზე შეკრებილი აქციის მონაწილეებმა ხელისუფლებას ულტიმატუმი წაუყენეს.
როგორც აქციაზე ერთ-ერთმა გამომსვლელმა აღნიშნა, ხელისუფლებამ დაუყონებლივ უნდა გააუქმოს რუსეთთან ფრენები და ასევე, დღეს ყვარელში დაკავებული აქციის მონაწილები უნდა გაათავისუფლოს.
აქციის მონაწილეების განცხადებით, ხელისუფლებას ვადა 22:00 საათამდე აქვს. ვადის გასვლის შემდეგ კი, კონკრეტულ სამოქმედო გეგმაზე ისაუბრებენ.
სასტუმრო „ყვარლის ტბასთან“ აქციაზე დღეს ადმინისტრაციული წესით 16 პირი დააკავეს.
