რუსეთის დუმის დეპუტატის, სერგეი გავრილოვის ვარაუდით, საქართველოსთან ფრენების აღდგენის შემდეგ შესაძლოა დიპლომატიური ურთიერთობებიც აღდგეს. ამის შესახებ მან რუსულ მედიას განუცხადა.
„ვფიქრობთ, რომ შემდეგი ნაბიჯი რუსეთ-საქართველოს ურთიერთობებში იქნება დიპლომატიური ურთიერთობების აღდგენა, ელჩების გაცვლა“, - განაცხადა გავრილოვმა.
მისი თქმით, ეს საშუალებას მისცემს რუსეთის მოქალაქეების სრულფასოვან საკონსულო მომსახურების უზრუნველყოფას.
„ამ ნაბიჯის შესაძლებლობაზე მიუთითებს საქართველოს თავშეკავებული პოზიცია უკრაინის საკითხის მიმართ, დემოკრატიული პრინციპების დაცვა. ჩვენს ხალხებს აკავშირებთ მჭიდრო ურთიერთობები, ჩვენ საერთო სულიერი და მორალური ღირებულებები და კულტურა გვაქვს“, - განაცხადა გავრილოვმა.
