გერმანია ომის დაწყების შემდეგ უკრაინას სამხედრო დახმარების ყველაზე დიდ პაკეტს გამოუყოფს.
სამხედრო დახმარების პაკტის ღირებულება 2,7 მილიარდ ევროს შეადგენს და ის უახლოეს მომავალში გაიგზავნება.
უკრაინული მედიის ცნობით, უკრაინა გერმანიისგან დამატებით Marder-ის ტიპის 20 ჯავშანმანქანას და Leopard 1-ის ტიპის 30 ტანკს მიიღებს.
ასევე მოსალოდნელია, 2022 წლის ბოლოს დაანონსებული 18 ერთეული თვითმავალი ჰაუბიცის, ოთხი IRIS-T-SLM საჰაერო თავდაცვის სისტემის, 12 IRIS-T-SLS გამშვებისა და ამ სისტემებისთვის საჭირო ასობით მართვადი რაკეტის, ასევე 200 სადაზვერვო უპილოტო საფრენი აპარატის, 100 საბრძოლო და 100-ზე მეტი ლოჯისტიკური მხარდაჭერისთვის საჭირო ავტომანქანის მიწოდება.
ამასთან, გამოცემა გამოცემა „შპიგელის“ ცნობით, დახმარების პაკეტი კვირას აახენში უკრაინის პრეზიდენტისთვის, ვოლიდიმირ ზელენსკისთვის კარლოს დიდის პრიზის გადაცემის პარალელურად გამოცხადდება, როგორც უკრაინისადმი გერმანიის სოლიდარობის სიმბოლო.
