უკრაინის პრემიერ-მინისტრმა დენის შმიჰალმა განაცხადა, რომ საფრანგეთი მზად არის უკრაინას 2 მლრდ ევროს დახმარება გაუწიოს.
ამის შესახებ შმიჰალი Twitter-ში წერს.
აშშ-ში ვიზიტის დროს შმიჰალი შეხვდა საფრანგეთის ეკონომიკის მინისტრს ბრუნო ლე მერს.
„საფრანგეთი მზად არის უკრაინას გრძელვადიანი პროგრამის ფარგლებში 2 მლრდ ევრო გამოუყოს. თანხის ნაწილი აღდგენას მოხმარდება“, - დაწერა უკრაინის პრემიერმა.
მანამდე, შვეიცარიის მთავრობამ განაცხადა, რომ უკრაინას 2028 წლამდე 1,5 მლრდ შვეიცარიულ ფრანკს (1,7 მლრდ დოლარს) გამოუყოფს.