რუსეთმა შეიარაღებული ძალებისა და დაჯგუფება „ვაგნერის“ ურთიერთქმედებების გაუმჯობესების ფონზე ბახმუტზე შეტევა გააძლიერა.
ამის შესახებ ნათქვამია დიდი ბრიტანეთის დაზვერვის მორიგ ანგარიშში.
უწყების ცნობით, უკრაინის თავდაცვა ჯერ კიდევ ინარჩუნებს ქალაქის დასავლეთ რაიონებს, თუმცა ბოლო 48 სათის განმავლობაში უკრაინის თავდაცვის ძალები რუსეთის მხრიდან ინტენსიური საარტილერიო ცეცხლის ქვეშ არიან.
„ვაგნერის“ მოიერიშე ჯგუფები აგრძელებენ ძირითად შეტევას ქალაქის ცენტრის გავლით, ამავე დროს რუსეთის საჰაერო-სადესანტო ჯარებმა გააძლიერეს „ვაგნერის“ ზოგიერთი ქვედანაყოფი, ოპერაციის ჩრდილოეთ და სამხრეთ ფლანგებიდან“, - აღნიშნულია ანგრიშში.
როგორც იუწყებიან, უკრაინის ძალებს მნიშვნელოვანი პრობლემები აქვთ მარაგების შევსების მხრივ, თუმცა ახორციელებენ გეგმაზომიერ გასვლას პოზიციებიდან, რომელთა დატოვებაც მოუწიათ.
მანამდე ბრიტანეთის დაზვერვა აცხადებდა, რომ რუსეთის საჰაერო-სადესანტო ძალების ТОС-1А-ს ტიპის თერმობარული იარაღით აღჭურვა მოწმობს, რომ მომავალში უკრაინაში სადესანტო ძალების როლი შეტევით ოპერაციებში გაიზრდება.
