პოლონეთის დედაქალაქ ვარშავაში, სმოლენსკის ტრაგედიის 13 წლისთავისადმი მიძღვნილ ღონისძიებაზე საქართველოს ყოფილ პრეზიდენტს სააკაშვილს ლეხ კაჩინსკის სახელობის პრომეთეს ჯილდო გადაეცა.
ჯილდო ევროპარლამენტარმა ანა ფოტიგამ, მიხეილს სააკაშვილის დედას, გიული ალასანიას და ბერნარდ ლევის გადასცა.
მიხეილ სააკაშვილს ჯილდო თავისუფლებისთვის ბრძოლაში შეტანილი წვლილისთვის გადასცეს.
ღონისძიებას ესწრებიან „ერთიანი ნაციონალური მოძრაობის“ თავმჯდომარე ლევან ხაბეიშვილი, პარტიის გენერალური მდივანი პეტრე ცისკარიშვილი, მიხეილ სააკაშვილის გათავისუფლების შტაბის ხელმძღვანელი გიორგი ჩალაძე, პოლიტიკური მდივანი გია ბარამიძე და ფრაქცია „ერთიანი ნაციონალური მოძრაობის“ დეპუტატი, ანი წითლიძე. დაჯილდოებაზე ასევე იმყოფებიან მიხეილ სააკაშვილის ოჯახის წევრები, უკრაინისა და საფრანგეთის დელეგაციები და პოლონეთის ხელისუფლების წარმომადგენლები.
