შეძრწუნებული ვარ გავრცელებული სასტიკი ვიდეოკადრებით, რომელშიც ტყვეობაში მყოფი უკრაინელი სამხედროს თავის მოკვეთაა ასახული, – ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს.
პრეზიდენტის თქმით, საქართველო დგას და იდგება უკრაინის გვერდით.
„შეძრწუნებული ვარ გავრცელებული სასტიკი ვიდეოკადრებით, რომელშიც ტყვეობაში მყოფი უკრაინელი სამხედროს თავის მოკვეთაა ასახული, კიდევ ერთი დანაშაული კაცობრიობის წინაშე. ომის ამ დანაშაულებს სამართლებრივად უნდა გაეცეს პასუხი.
საქართველო დგას და იდგება უკრაინის გვერდით!“ – წერს სალომე ზურაბიშვილი.
