ლევან ხაბეიშვილმა „ნაციონალური მოძრაობის“ ახალი წევრები, ზაზა გოგავა და მამუკა ყურაშვილი წარადგინა.
„როგორც იცით „ნაციონალური მოძრაობა“ ემზადება 9 აპრილს, 17:00 საათზე მნიშვნელოვანი აქციისთვის, სადაც ქართველმა ხალხმა უნდა დააფიქსიროს ჩვენი ურყევი ნება - ვიყოთ სრულუფლებიანი ევროკავშირის წევრები და ამასობაში, „ნაციონალური მოძრაობა“ ძლიერდება, მე თავს არ შეგაწყენთ კონკრეტული ადამიანების წარდგენით, რადგან მათი ბიოგრაფიებიდან გამომდინარე ამ ადამიანებს წარდგენა არ სჭირდებათ, თუმცა მინდა ვუთხრა საზოგადოებას, რომ ბატონი ზაზა გოგავა და ბატონი მამუკა ყურაშვილი "ნაციონალურ მოძრაობაში“ დაიკავებენ საკვანძო თანამდებობებს, რომლებიც გააძლიერებენ „ნაციონალურ მოძრაობას“. ბატონი ზაზა დაიკავებს ადგილს სამდივნოში, ბატონი მამუკა კი, თბილისის „ნაციონალური მოძრაობის“ ორგანიზაციაში”,- განაცხადა ლევან ხაბეიშვილმა.
როგორც ზაზა გოგავამ და მამუკა ყურაშვილმა დღევანდელ ბრიფინგზე განაცხადეს, მათთვის დიდი პატივია იყვნენ „ერთიანი ნაციონალური მოძრაობის“ წევრები.
„2012 წლის შემდეგ სახელმწიფო სამსახურებთან არანაირ კავშირი არ მქონია, შეიძლება ვინმემ დასვას კითხვა, სად ვიყავი ეს ათი წელი, მაგრამ ამ ათი წლის განმავლობაში, მე, ბატონი გენერალი და მრავალი სამხრეებიანი ადამიანი, მრავალი სამოქალაქო პირი, ვემსახურებოდით დიდ მიზანს, რომელიც გასული წლის ბოლოს დასრულდა საქართველოს ბრწყინვალე გამაჯრვებით - ეს არის ჰააგის ტრიბუნალის დასკვნა, მანამდე იყო სტრასბურგის სასამართლოს დასკვნა, არ გვინდოდა, რომ რაიმე პოლიტიკური შემხებლობა გვქონოდა. ამის შემდეგ, უკვე განვითარებული მოვლენების გამო, მოგეხსენებათ სტრასბურგის ბრწყინვალე გამარჯვება და ამ გამარჯვების შემქმნელი და უმაღლესესი მთავარსარდალი ამ წუთში იმყოფება ციხეში, ყოფილი თავდაცვის მინისტრი პოლიტიკურ დევნაში, ათასობით სამხედრო ქვეყნიდან წასულია, ათსობით სამხედრო იბრძვის უკრაინაში იმ დიდი ბოროტების წინააღმდეგ, რომელიც ჩვენი დაუძინებელი მტერი - რუსეთი ჰქვია და ბოლოს გადამწყვეტი მომენტი იყო 7-9 მარტის მოვლენები“, - განაცხადა ზაზა გოგავამ.
მამუკა ყურაშვიის თქმით, მათი ერთ-ერთი მთავარი ამოცანა, უმაღლესი მთავარსარდლის ტყვეობიდან დახსნა იქნება.
„ჩემთვის დიდი პატივია „ნაციონალურ მოძრაობაში“ შემოსვლა. დიდი მადლობა ბატონ ლევანს, ბატონ პეტრეს, „ნაციონალური მოძრაობის“ ყველა წევრს და პარტიასთან ერთად, ჩვენი ერთ-ერთი მთავარი საზრუნავი იქნება უმაღლესი მთავარსარდლის დახსნა ტყვეობიდან და ჩვენ ყველაფერს გავაკეთებთ ამისთვის“, - განაცხადა მამუკა ყურაშვილმა.
