თურქეთის პრეზიდენტი რეჯეფ თაიფ ეედოღანი აცხადებს, რომ სასწრაფოდ საჭიროა გაეროს უშიშროების საბჭოს რეფორმა. მისი თქმით მიუღებელია, როდესაც ხუთ სახელმიფოს მეტი გავლენები აქვს, ვიდრე სხვა დანარჩენ ქვეყნებს.
„არსებული წესი, რომლის თანახმად, კაცობრიობის ბედი ხუთი სახელმწიფოს {უშიშროების საბჭოს ხუთი მუდმივმოქმედი წევრი ვეტოს უფლებით} ხელშია, არამდგრადია. საჭიროა, დაუყოვნებლივ გაეროს უშიშროების საბჭოს რეფორმა, ყოვლისმომცველი და ინკლუზიური გაგებით“, - განაცხადა ერდოღანმა უცხოელ ელჩებთან და დიპლომატებთან ერთობლივ ვახშამზე.
მისივე თქმით, სწამს რუსეთსა და უკრაინას შორის „სამართლიანი მშვიდობის“ შესაძლებლობის, რომელიც ორივე ქვეყანას მისცემს საშულაებას ღირსეულად გამოვიდნემ ვითარებიდან, რაც რეგიონს მისცემს შესაძლებლობას თავი დააღწიოს მორევს, რომელშიც ის აღმოჩნდა.
უშიშროების საბჭოს შემადენლობაში შედის გაეროს ხუთი მუდმივმოქმედი წევრი - რუსეთი, დიდი ბრიტანეთი, საფრანგეთი, აშშ და ჩინეთი, რომლებსაც აქვთ ვეტოს უფლება, ასევე 10 წევრი-ქვეყანა როტაციის საფუძველზე.
როგორც ცნობილია, რუსეთი 1-ელი აპრილიდან ერთი თვის განმავლობაში როტაციის საფუძველზე გაეროს უშიშროების საბჭოს უხელმძღვანელებს.
ამასთან დაკავშირებით, უკრაინის პრეზიდენტმა უშიშროების საბჭოს რეფორმა მოითხოვა. „რათა ტერორისტმა სახელმწიფომ და სხვა ნებისმიერმა ქვეყანამ, რომელსაც სურს იყოს ტერორისტი, ვერ შეძლოს მსოფლიოს განადგურება“, - აღნიშნა უკრაინის პრეზიდენტმა.
