"მთავარ არხთან" ექსკლუზიურ ინტერვიუში ამერიკის ელჩი ნატოში, ჯულიან სმიტი ამბობს, რომ საქართველოსთვის და უკრაინისთვის ალიანსის კარი ღიაა. მისი თქმით, რუსეთმა არაერთხელ სცადა ნატო-ს ღია კარის პოლიტიკის ეჭვქვეშ დაყენება, თუმცა მოსკოვის ხმას არანაირი ძალა არ აქვს. ელჩის განცხადებით, მკაფიოა პოზიცია, რომ ნატო არ დახურავს ღია კარის პოლიტიკას.
მისი თქმით, გაგრძელდება ორივე ქვეყანასთან ურთიერთობის გაძლიერება.
"ნატო და ამერიკის შეერთებული შტატები წლებია ღიად აფიქსირებენ საქართველოს ევრო-ატლანტიკური მომავლის მხარდაჭერას. 2008 წელს ჩვენ ვთქვით რომ უკრაინა და საქართველოს ალიანსის წევრები გახდებოდნენ, ამ ნაბიჯით მოსკოვს მკაფიო სიგნალი გავუგზავნეთ. რუსეთმა არაერთხელ სცადა ალიანსის ღია კარის პოლიტიკის ეჭვქვეშ დაყენება. ორივე ქვეყნისთვის, საქართველოსა და უკრაინისთვის, ეს კარი ღია. ახლა მთავარია ალიანსის და ორივე ქვეყნის თანამშრომლობა. მოსკოვის ხმას არანაირი ძალა არ აქვს. ისინი ვეტოს ვერ გამოიყენებენ. იმედიანად ვუყურებთ საქართველოსთან პარტნიორების გაძლიერებას. რა თქმა უნდა, ვმუშაობთ საქართველოს მთავრობასთან ამ საკითხებზე, განსაკუთრებით კი მიმდინარე რეფორმებზე. გვინდა რომ რუსეთმა საქართველოს ტერიტორია დატოვოს. გავაგრძელებთ ქართველ მეგობრებთან მუშაობას. მკაფიოდ ვაფიქსირებთ რომ ნატო არ დახურავს ღია კარის პოლიტიკას", - თქვა ჯულიან სმიტმა.
