გაეროს ადამიანის უფლებათა უმაღლესი კომისრის მონაცემებით, მარტში, უკრაინაში 178 მშვიდობიანი მოქალაქე დაიღუპა.
უმაღლესი კომისრის ანგარიშის თანახმად, დაშავდა 587 ადამიანი.
გაეროს მონაცემებით, მსხვერპლი უმეტეს შემთხვევაში გამოიწვია ფართო არეალის მოქმედების შეიარაღების გამოყენებამ, ნაღმებმა და აფეთქებადსაშიშმა საშუალებებმა.
გაეროს ცნობით, უკრაინაში სრულმასშტაბიანი ომის დაწყებიდან დაიღუპა 8 451 და დაშავდა 14 156 მშვიდობიანი მოქალაქე.
გაეროს თანახმად, მსხვერპლთა რაოდენობა მნიშვნელოვნად მეტია, რადგან მონაცემების დაზუსტება საბრძოლო მოქმედებების ზონიდან გართულებულია.
