რუსეთი პასუხს აგებს უკრაინელი ბავშვების დეპორტაციისთვის - ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა.
„ეუთოში დაიწყო მუშაობა პირველ ცალკეულ საერთაშორისო ანგარიშზე, რომელიც მიეძღვნება რუსეთში უკრაინელი ბავშვების ძალადობრივ დეპორტაციას და ჩვენი ბავშვების ასიმილაციის მცდელობას“, - განაცხადა ზელენსკიმ.
უკრაინის პრეზიდენტმა აღნიშნა, რომ რუსეთის ქმედება თანამედროვეობის ერთ-ერთი ყველაზე ცინიკური და კაცობრიობის საწინააღმდეგო დანაშაულია.
„რუსეთი ამას სისტემუად და გათვლით აკეთებს, სახელმწიფო დონეზე, სისტემური იქნება პასუხისმგებლობაც - რუსეთის, როგორც სახელმწიფოს პასუხისმგებლობა და {ამ დანაშაულში} ყველა მონაწილის“, - განაცხადა ზელენსკიმ.
