1-ლი აპრილიდან ერთი თვის განმავლობაში რუსეთი გაეროს უშიშროების საბჭოს უხელმძღვანელებს, – ამის შესახებ ორგანიზაცია twitter-ის გვერდზე წერს.
უკრაინის საგარეო საქმეთა მინისტრმა დმიტრო კულებამ გაერო-ს უშიშროების საბჭოში რუსეთის თავმჯდომარეობას საერთაშორისო საზოგადოებისთვის სილის გაწვნა უწოდა.
„მოვუწოდებ გაეროს უშიშროების საბჭოს ამჟამინდელ წევრებს, აღკვეთონ რუსეთის ნებისმიერი მცდელობა ბოროტად გამოიყენოს ეს თავმჯდომარეობა“, - წერს კულება.
უშიშროების საბჭოს თავმჯდომარეობას რუსეთი როტაციის პრინციპით გადაეცა. გაეროს უშიშროების საბჭოს თავმჯდომარე ქვეყნები ყოველთვიურად იცვლებიან. მათი თანმიმდევრობა ანბანის მიხედვით განისაზღვრება. საბჭოს თავმჯდომარე ქვეყანა ნიშნავს და ხსნის შეხვედრებს, მაგრამ არ აქვს უფლებამოსილება, გავლენა მოახდინოს საბჭოს გადაწყვეტილებებზე.
