თურქეთის პრეზიდენტმა, რეჯეფ თაიფ ერდოღანმა მხარი დაუჭირა ქვეყნის პარლამენტის გადაწყვეტილებას, რომელიც ფინეთის ნატო-ში გაწევრიანებას „მწვანე შუქს“ უნთებს.
მედიის ცნობით, ოფიციალური დოკუმენტების სპეციალურ გაზეთში გამოქვეყნებულ დოკუმენტებს შორის პირველი „ჩრდილოატლანტიკურ ალიანსში ფინეთის გაწევრიანების შესახებ“ კანონია.
ბოლო ფორმალური ნაბიჯი, რომლითაც დასრულდება რატიფიცირების პროცედურა, იქნება დოკუმენტების ვაშინგტონში გაგზავნა.
თურქეთის პარლამენტმა ფინეთის ნატო-ში გაწევრიანების დოკუმენტის რატიფიცირება 31 მარტს მოახდინა.
