გერმანიის ბუნდესტაგის საბიუჯეტო კომიტეტმა მხარი დაუჭირა თავდაცვისა და საგარეო საქმეთა სამინისტროების მოთხოვნას უკრაინისთვის დამატებით 12 მლრდ ევროს გამოყოფის შესახებ. იუწყება Reuters.
დამატებითი დაფინანსება მოიცავს 2023 წელს 3,2 მილიარდი ევროს გამოყოფას, ასევე 8,8 მილიარდი ევროს ოდენობის საკრედიტო ხაზებს 2024-2032 წლების პერიოდში.
„ამ თანხის დახმარებით, უკრაინა შეძლებს პირდაპირ იყიდოს შეიარაღება გერმანიის მთავრობის დახმარებით. საჭიროა უკრაინას დავეხმაროთ იმდენ ხანს, რამდენიც საჭირო იქნება“, - ნათქვამია განცხადებაში.
გერმანიის საგარეო საქმეთა სამინისტროს ინფორმაციით, რუსეთის სრულმასშტაბიანი შეჭრის შემდეგ გერმანიის მთავრობამ უკრაინის დასახმარებლად 14,2 მილიარდ ევროზე მეტი გამოყო.