ევროპული საქართველოს თავმჯდომარე, გიგა ბოკერია რუსეთის საგარეო საქმეთა სამინისტროს მიერ გავრცელებულ განცხადებას ეხმიანება.
მისი თქმით, რუსეთს თავისი ინტერესი აქვს, ამ იზოლაციის პირობებში აჩვენოს, რომ ვიღაც მათ მხარესაა, თუმცა დასძენს, რომ რუსეთის პროპაგანდა ამჯერად სიმართლეს ამბობს და ქართული ოცნება "მათია".
"რუსეთის ხელისუფლების ამ განცხადებას უბრალოდ ქვემოდან რომ დააწერო ივანიშვილის ერთგული რაინდების ჯგუფის სახელი "ხალხის ძალა", ერთი-ერთში დაემთხვევა, არანაირი განსხვავება არ არის. ისინიც ზუსტად მაგას იძახიან, რომ დასავლეთს უნდა სისხლისღვრა და არეულობა, მათი გზავნილიც ეგ არის. რასაც რუსეთის საგარეო საქმეთა სამინისტრო ამ განცხადებაში ამბობს ამჯერად ჩვენდა საუბედუროდ სრული სიმართლეა. იშვიათად, მაგრამ რუსეთის პროპაგანდაც სიმართლეს იძახის ხოლმე, ეს მთავრობა მათია".- ამბობს ბოკერია.