ვლადიმირ პუტინის განცხადებით, რუსეთი უახლოესი სამი წლის განმავლობაში 1600 ტანკის წარმოებას და მოდერნიზებას აპირებს.
„ცეცხლის გამღვივებლები გეგმავენ უკრაინაში 420 თუ 440 ტანკის გაგზავნას. ამ შემთხვევაშიც ყველაფერი იგივეა, რაც საბრძოლო მასალებთან. ამ დროის განმავლობაში ჩვენ 1600-ზე მეტი ახლის წარმოებას და არსებული ტანკის მოდერნიზებას მოვახდენთ“, - განაცხადა პუტინმა.
მისი თქმით, რუსული არმიის ტანკების საერთო რაოდენობა სამჯერ მეტი იქნება უკრაინის შეიარაღებული ძალების ტანკების რაოდენობაზე.
პუტინმა დასავლელი მოკავშირეებისგან უკრაინისთვის სამხედრო დახმარებას კონფლიქტის გახანგრძლივების მცდელობა უწოდა.
„ჩემი აზრით, ეს მხოლოდ მეტ ტრაგედიას გამოიწვევს, მეტი არაფერი“, - თქვა პუტინმა.