სლოვაკეთმა უკრაინის შეიარაღებულ ძალებს პირველი ოთხი მიგ-29 ტიპის ავიაგამანადგურებლები გადასცა.
ამის შესახებ ნათქვამია სლოვაკეთის თავდაცვის სამინისტროს განცხადებაში.
„მადლობას ვუხდი ყველას შესანიშნავი პროფესიონალური სამუშაოსთვის. სლოვაკეთი სწორ მხარეს დგას და ამ ჟესტით ჩვენ, როგორც ქვეყანა შევალთ თანამედროვე მსოფლიო ისტორიაში, რომელიც მეტყველებს დროულ დახმარებაზე, სოლიდარობასა და ერის სიდიადეზე“, - განაცხადა სლოვაკეთის თავდაცვის მინისტრმა იაროსლავ ნადმა.
დანარჩენი თვითმფრინავები უკრაინას უახლოეს კვირებში გადაეცემა.
საერთო ჯამში სლოვაკეთი უკრაინას 13 გამანადგურებელს გადასცემს.
შეგახსენებთ, სლოვაკეთის მთავრობამ უკრაინისთვის მიგ-29 ტიპის 13 გამანადგურებლის გადაცემის გადაწყვეტილება 17 მარტს მიიღო.