საქართველოს პარლამენტში, პლენარულ სხდომაზე დეპუტატებს შორის სიტყვიერი და ფიზიკური დაპირისპირება მოხდა. ხალხის ძალის წევრმა, ვიქტორ ჯაფარიძემ ოპოზიციონერ დეპუტატს, ტარიელ ნაკაიძეს ზურგში მიკროფონი ჩაარტყა.
დაპირისპირებაში ჩაერთო ქართული ოცნების დეპუტატი, ლევან მგალობლიშვილიც, რომელმაც ტარიელ ნაკაიძის მიმართულებით ასევე მიკროფონი ისროლა.
პარლამენტში ამ დროისთვის „თავდაცვის კოდექსის“ პროექტს განიხილავენ, თუმცა უცნობია, დაპირისპირება კონკრეტულად რასთან დაკავშირებით დაიწყო. სავარაუდოდ, დაპირისპირება „ხალხის ძალის“ მიერ ინიცირებულ კანონპროექტს ეხებოდა.
